Painéal na gComhairleoirí

Tá an tionscnamh Scríbhneoirí Ban na Mumhan bunaithe ar chomhoibriú idir líon mór réimsí acadúla maidir le ceapadh, le taighde, agus le cur i gcrích an leabhareolais. Is í seo an chéad uair gur tharla a leithéid de mhalartú eolais, idir comhghleacaithe go bhfuil saineolas acu ar an ábhar agus atá bádhúil leis an tionscnamh. Tá scoláirí Béarla agus Gaeilge, in Éirinn agus sa Bhreatain, tar éis a gcuid ama agus saineolais a roinnt go fial linn ó thús an tionscnaimh seo. Táimid go mór faoi chomaoin ag painéal na gcomhairleoirí, agus mórán daoine eile nach iad, atá tar éis cabhrú linn leis an saothar seo. Is iad an bheirt a leanas a bheidh ag plé leis na scríbhneoirí Gaeilge.

Angela Bourke

Is Léachtóir Sinsearach le Gaeilge í i gColáiste na hOllscoile, Baile Átha Cliath, agus tá tréimhsí caite aici ag múineadh in Ollscoil Harvard, i gColáiste Boston, agus in Ollscoil Minnesota. Is í údar na leabhar a leanas: The Burning of Bridget Cleary: A True Story (London: Pimlico, 1999; New York: Viking, 2000); Caoineadh na dTrí Mhuire: Téama na Páise i bhFilíocht Bhéil na Gaeilge (Baile Átha Cliath: An Clóchomhar, 1983, mar Angela Partridge); cnuasach gearrscéalta By Salt Water (Dublin: New Island, 1996); chomh maith le mórán alt agus aistí i nGaeilge agus i mBéarla. Tá sí ar an ochtar eagarthóirí den Field Day Anthology, iml. 4 agus 5: 'Women's Writing and Traditions' (Cork UP, ag teacht amach i bhFómhar na bliana 2001).

Pádraigín Riggs